بیت بازی – صفحہ 21

وسیم بریلوی

اپنے انداز کا اکیلا تھا اس لئے میں بڑا اکیلا تھا

کسی کو گھر سے نکلتے ہی مل گئی منزل کوئی ہماری طرح عمر بھر سفر میں رہا

شکوہ کوئی دریا کی روانی سے نہیں ہے رشتہ ہی مری پیاس کا پانی سے نہیں ہے

بے وقت اگر جاؤں گا سب چونک پڑیں گے اک عمر ہوئی دن میں کبھی گھر نہیں دیکھا

کہاں زمیں کے ضعیف زینے پہ چل رہی ہے یہ رات صدیوں سے میرے سینے پہ چل رہی ہے

تھکے ہوئے در و دیوار ہیں نہ دو دستک کہ گر پڑے نہ کہیں گھرکا گھر بنایا ہوا

میری طلب تھا ایک شخص وہ جو نہیں ملا تو پھر ہاتھ دعا سے یوں گرا بھول گیا سوال بھی

میں ہوا سبطِ محمدﷺ کے غلاموں کا غلام حوصلے اس لیے انکار میں آ جاتے ہیں

قتل گاہوں میں رعایت نہیں برتی جاتی کوئی اکبر ہے کہ اصغر، نہیں دیکها جاتا

اصغر سپاہِ شام میں کہرام ہے بپا تم تیر کھا کے أئے ہو یا تیر مار کے