بیت بازی – صفحہ 45

انور شعور

سنے وہ، اور پھر کر لے یقیں بھی بڑی ترکیب سے سچ بولتا ہوں

عجب کیا اس قرینے سے کوئی صورت نکل آئے تری باتوں کو خوابوں سے ملا کر دیکھ لیتا ہوں

نہ جانے کس کے سہارے رکا ہوا ہے فلک ہمیں تو فرشِ زمیں پر کوئی ستوں نہ ملا

وہ مرے ہو کے بھی مرے نہ ہوئے ان کو اپنا بنا کے دیکھ لیا

اس بار جب اجل سے مرا سامنا ہوا کشتی سے خواب، ہاتھ سے پتوار گر پڑے

دریا ہوں کسی روز معاون کی طرح مل یہ کیا کہ ہم اک لہر میں بہہ بھی نہیں سکتے

تم اپنے رزق کو ہم سے چھپا کے مت رکھنا گزر بسر کا طریقہ الگ ہمارا ہے

ایک ہی حادثہ تو ہے اور وہ یہ کہ آج تک بات نہیں کہی گئی، بات نہیں سنی گئی

ہنس نہ اتنا بھی فقیروں کے اکیلے پن پر جا خدا میری طرح تجھ کو بھی تنہا رکھے

یہ شعر خالد احمد کی گہرے جذباتی شعور اور کربِ مسلسل کا نچوڑ ہے، جس میں زخم خوردہ دلوں کے لیے الفاظ کی اذیت ناک تاثیر کو بیان کیا گیا ہے۔