بیت بازی – صفحہ 55

سعادت یار خان رنگین

ہر کسی سے لگ چلے کیا ذکر ہے امکان کیا ہم اسے پہچانتے ہیں خوب وہ ایسا نہیں

ڈھونڈھنے کو تجھے او میرے نہ ملنے والے وہ چلا ہے جسے اپنا بھی پتہ یاد نہیں

سر و سامانِ سفر مانگ لیا قاصدِ شام نے سر مانگ لیا

مرے وجود کے اندر اِدھر اُدھر کچھ ہے خبر نہیں یہ گماں ہے کہ ڈر مگر کچھ ہے

جانے وفا میں لغزشِ پا دیکھ کر مری آ جاتا ہے کہاں سے کوئی تھامنے مجھے

آنکھیں نہ جینے دیں گی تری بے وفا مجھے ان کھڑکیوں سے جھانک رہی ہے قضا مجھے

آخر اک روز تو پیوند زمیں ہونا ہے جامۂ زیست نیا اور پرانا کیسا

آج کی رات نہ جانے کتنی لمبی ہوگی آج کا سورج شام سے پہلے ڈوب گیا ہے

کسی کے حسن کا انکار کفر ہے خالد سو اپنے عشق کا انکار کرکے دیکھتے ہیں

یہ میری آگ ہے لیکن دھواں میرا نہیں ہے بیاں میرا سہی رنگِ بیاں میرا نہیں ہے