محسن اسرار کی تخلیقات – صفحہ 3

محسن اسرار

بستر پہ کوئی اُس کی اداکاری تو دیکھے آیا ہو کوئی جیسے بہت دور سے چل کے

اُسے بھی ہوش میں رہنے کا خبط ہے محسنؔ وہ توڑ دیتا ہے جام و سبو ہماری طرح

گم لگتے ہیں تنہائی میں اپنے لب و عارض کیا کہتا ہے آئینے سے چہرہ کسے معلوم

دنیا والوں کے منصوبے میری سمجھ میں آئے نہیں زندہ رہنا سیکھ رہا ہوں اب گھر کی ویرانی سے

ہم نے بھی حسبِ حال تری رائے کی طرح سچ بولنے کا اپنا طریقہ بدل دیا

وحشت نہیں تھی مسئلہ آراستگی کا تھا بالوں کی کانٹ چھانٹ نے چہرہ بدل دیا

خط کا جواب تو نہیں اُس نے دیا مگر کھڑکی پہ جو پڑا تھا وہ پردہ بدل دیا

بہت پچھتائے ہم بیمار ہو کر تماشا بن گیا اچھا نہ ہونا

تیرے تعلقات پہ شک تو نہیں کوئی اندر سے توڑتے ہیں مگر واہمے مجھے

توڑے ہے کوئی پھول تو روندے کوئی سبزہ اک کھیل بنا رکھا ہے لوگوں نے چمن کو