Tag: یومِ عاشور

ہے شہادت کہ ہلاکت کہ اجل ، بولتی ہے مرضئِ رب سرِ میدانِ جدل بولتی ہے یہ زباں حق کی زباں ہے ، دمِ گفتار تو ہو پھر ہو دربار کہ مقتل کہ محل ، بولتی ہے ایک وعدہ ہے فقط وعدۂِ طفلئِ حسینؑ جس کو قاموسِ تغیئر بھی اٹل بولتی ہے فجر کا وقت ہے، عاشور ہے، سنّاٹا ہے کس خموشی سے یہاں صبحِ ازل بولتی ہے جنگ جُو کہہ کے بلاتا ہے مرا آج مجھے خود کو خوشبو ئے شہادت مرا کل بولتی ہے رن میں ہے صاحبِ…

سلام  دربارِ ستم میں ایستادہ محبوبِ خُدا کاخانوادہ ممدوح تمام نور پیکر کیا لکّھے سلام خاک زادہ ؟ تیغوں سے لہو کی دھار جیتے اللہ کا تھا یہی ارادہ مقتول کے چہرے پر چمک تھی تلوار کی آب سے زیادہ کیا جنگ وہ اقتدار کی تھی؟ اتنی بھی نہیں یہ بات سادہ حُر جیسے حریف کے لیے بھی شبّیرؑ تھے کتنے دل کشادہ تھے شکر بہ لب اسیر و مجروح حیراں تھا مسافروں پہ جادہ اک ذبحِ عظیم کا ہے غمخوار کعبے کا سیاہ یہ لبادہ بچپن میں ملا جو…

سلام حسین ! دیکھ کے حیران ہے خدا تیرا زمیں پہ معرکۂ صبر آزما تیرا وہ کون لفظ ہو میں جس سے تجھ کو پرسہ دوں کہ خاندان ترے آگے لٹ گیا تیرا میانِ مقتلِ کرب وبلا ،شبِ عاشور ہر آدمی کو رلاتا ہے رتجگا تیرا محرم آیا غزالاں بہا رہے ہیں اشک ہر ایک دشت میں جاری ہے تذکرہ تیرا خیام جلتے ہوئے کون دیکھ سکتا ہے علی کی لختِ جگر ،ہائے حوصلہ تیرا

سید الساجد ین زندہ باد کربلا کے امین زندہ باد اے امامِ مبین زندہ باد ناز کرتے ہیں آپ پر سجدے سید الساجدین زندہ باد ہے صحیفہ تری دعاؤں کا مرشدِ عارفین ، زندہ باد جھک رہی تھی کمر زمیں کی طرف کہہ رہی تھی زمین زندہ باد کربلا سے دیارِ شام تلک سید ی آفرین ، زندہ باد بعدِ عاشور شام و کوفہ میں وارثِ مرسلین زندہ باد صبر ،سجدہ ،دعا ،توکل ،عشق استقامت ، یقین زندہ باد

بے پردہ حرم ہیں ساتھ ترے ،پردیسی دیس پرایا ہے سجاد خدا معلوم تجھے اسلام کہاں لے آیا ہے چھ ماہ کا یہ کم سن بچہ پہچان لیا عیسیٰ تو نہیں شبیر تری نصرت کے لیے یہ کون پیمبر آیا ہے زینب کو نہیں کچھ قید کا غم یہ بات مگر رلواتی ہے شبیر کا لاشہ دھوپ میں ہے ،زندان میں گہرا سایہ ہے تیروں تلواروں نیزوں کے شبیر نے کتنے زخم سہے یہ زخم مگر کچھ گہرا ہے سجاد جو تو نے کھایا ہے یہ میت پیغمبر تو نہیں…

بحضور امام سجادؑ ہے وہ زنجیر کہاں بھولنے والی زنجیر یاد سجاد ہے پیروں میں جو ڈالی زنجیر شوقِ نظارہ میں آئے تھے ملائک سارے میں نے ماتم کے لئے جونہی نکالی زنجیر پائے بیمار کو کب ظلم نے زنجیر کیا ظلم کے پاؤں میں سجاد نے ڈالی زنجیر