Pakistani Poets – صفحہ 12

احمد فراز

اب اور کیا کسی سے مراسم بڑھائیں ہم یہ بھی بہت ہے تجھ کو اگر بھول جائیں ہم

زندگی! میں بھی مسافر ہوں تری کشتی کا تو جہاں مجھ سے کہے گی میں اُتر جاؤں گا

جانے کیا برسا تھا رات چراغوں سے بھور سمے سورج بھی پانی پانی ہے

اُن آنکھوں نے لوٹ کے بھی اپنے اوپر بات نہ لی

اکیلے پن کو مرے سلطنت کا درجہ دے پھر اس کے بعد مجھے اُس کا بادشاہ بنا

تجھ کو پوجا ہے کہ اصنام پرستی کی ہے میں نے وحدت کے مفاہیم کی کثرت کر دی

چراغِ طاق نسیاں سے نہ جلتے ہو نہ بجھتے ہو تمھیں اک دن ہَوا سے بھی لپٹ کر دیکھ لینا تھا

اس نے ہنس کے دیکھا تو مسکرا دیے ہم بھی ذات سے نکلنے میں دیر کتنی لگتی ہے

یہ شہر جل چکا ہے بچانے کو کچھ نہیں اس راکھ سے بھی اب تو اٹھانے کو کچھ نہیں

ذرا سے پھل کے لیے شاخ توڑ لی تم نے یہ بھوک کی تو علامت نہیں، ہوس کی ہے