Category: آج کی نظم

ایک خاموش نظم ۔۔۔۔۔۔۔۔۔۔۔ نہ کرنوں کی بارش نہ خوشبو ہَوا کی نہ موسم کے آثار میں زندگی کا سماں ماتمِ حبس میں ایک خاموش آواز کا نغمہ ٔ خامشی سُن کے آنسو بہاتی ہوئی رات کی جیب سے جب سسکتا ہوا چاند نکلا تو آنکھوں نے چپکے سے  محرومیوں سے یہ پیماں کیا آج کی رات سوجائیں ہم

ذرا سوچ لو یہ ۔۔۔۔ جو تم نے سمیٹا نہیں مجھ کو اس زندگی میںجو میں روزہی اس طرح سے بکھرتا رہا تو تمہیں ایک زحمت بہت جلد کرنا پڑے گی ذرا سوچ لو یہ ، مری خاک کو تُم سمیٹو گی کیسے !

ایک منٹ کی خاموشی ۔۔۔۔۔۔۔۔۔۔۔۔ ( کئی سال پہلے پاکستان میں زلزلے میں مرنے والوں کی یاد میں عالمی فورم میں ایک منٹ کی خاموشی اختیار کی گئی) ۔۔۔۔۔۔۔۔۔۔۔۔۔۔۔۔۔ ایک منٹ کی خاموشی ان لوگوں کی یاد میں تھی جن کے اندر جا اتری موت کی گہری خاموشی جن کی ہستی پل بھر میں لمبی چُپ میں ڈوب گئی ملبے میں جو دفن رہے جن پر سکتہ ہے طاری جن پر عمرِفانی کا اک اک لمحہ ہے بھاری ٭ دنیا کے ہمدردوں نے ان سے بطورِ ہمدردی کتنی مشکل سے…

سفر کی شاخ پر (جنابِ اختر حسین جعفری کے لیے) …… سفر کی شاخ پر کِھلی تھیں ملگجی بشارتیں کُشادِ حرفِ ذات سے،سوادِ زخمِ خواب تک سفید جھاڑیوں میں تھیں شفق کی خشک بیریاں کہ جگنوؤں نے روشنی کا پیرہن اتار کر قدیم آسماں کے دائروں میں دفن کر دیا نواحِ جاں میں سرمئی سی بادلوں کی ڈھیریاں فرازِ برف زار سے،نشیب ِ ماہتاب تک غروبِ شامِ رفتگاں کی جل بجھی وصیّتیں ہجومِ رنگ میں گِھرے، اُڑے اُڑے جواب تک پسِ غبارِ آئنہ کوئی سوال رہ گیا کہِیں بس ایک…

درانتی رقص کرتی ہے! ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درانتی رقص کرتی ہے زمیں پر گنگناتے انگنت خوشوں کے بادل میں درانتی کوندتی پھرتی ہے ہر خوشے کا بوسہ لے کے کہتی ہے: ’’تمھاری، بس تمھاری منتظر تھی مَیں‘‘ اُسے سینے سے چمٹاتی ہے جھولے میں جُھلاتی ہے اُسے میٹھی سی اِک لوری سناتی ہے! درانتی رقص کرتی ہے کبھی گھنگھرو، کبھی مُدرا کبھی جھک کر، کبھی اک دائرے میں گھوم کر چاروں طرف سو بار پھرتی ہے درانتی اک ہراساں نسل سے دامن چھڑا کر دوسری تک ایک یُگ کو پار کر کے…

جنگِ آزادی یا غدر ۔۔۔۔۔۔۔۔ صدا میرٹھ سے اُٹّھی تھی جہاں کے سرفروشوں نے یہاں کے غاصبوں اور تاجروں کے بھیس میں آئے درندوں ، کالے کوسوں ، اجنبی دیسوں سے گور ی چمڑی والے ، بے نسب ، مجہول اور مغرور، اکڑی گردنوں والوں کے آگے اِک خطِ انکار کھینچا تھا ہوا میرٹھ سے اُٹّھی تھی کہ جس نے حبس موسم ، بے ثمر لمحوں ، سُلگتی ٹوٹتی، بکھری ہوئی سانسوں کی اک ڈوری میں باندھاتھا صدا ہر دل سے اُٹھی تھی تو پھر منگل نے اک ٹوٹی ہوئی…

اُس پار ۔۔۔ جہاں تصویر بنواتے ہوئے   جو مسکراہٹ ہے         وہی چہرے پہ سچ مچ ہو  جہاں یہ سر مئی شامیں  پہاڑوں سے الجھتی ہوں  جہاں یہ چاندنی  شبنم کے سائے میں ٹہلتی ہو  جہاں امید کی سب کشتیاں دل کے سمندر میں اترتی ہوں  جہاں آنکھوں کے خوابوں کو حسیں تعبیر ملتی ہو  جہاں خاموشیوں نے آسماں کے راز کھولے ہوں جہاںان موسموں پہ دھوپ کا پہرا نہیں ہوتا جہاں سینے میں کوئی درد اُٹھتا ہو                مگر گہرا…