م – صفحہ 3

ابراہیم اشک

مجھے نہ دیکھو مرے جسم کا دھواں دیکھو جلا ہے کیسے یہ آباد سا مکاں دیکھو

میں سچ تو بولتا ہوں مگر اے خدائے حرف تو جس میں سوچتا ہے مجھے وہ زبان دے

مجھے اپنے ضبط پہ ناز تھا سرِ بزم رات یہ کیا ہوا مری آنکھ کیسے چھلک گئی مجھے رنج ہے یہ برا ہوا

مرے اعصاب پر طاری رہے گا سفر منزل پہ بھی جاری رہے گا

مجھ کو جو قتل کر کے مناتا رہا ہے جشن وہ بد نہاد شخص مری ذات ہی میں تھا

محبتوں سے جو نفرت نکالتے ہیں سعود خدا کرے انہیں لگ جائے بد دعائے حسین

میری طلب تھا ایک شخص وہ جو نہیں ملا تو پھر ہاتھ دعا سے یوں گرا بھول گیا سوال بھی

میں ہوا سبطِ محمدﷺ کے غلاموں کا غلام حوصلے اس لیے انکار میں آ جاتے ہیں

میں اکیلا ہی چلا تھا جانبِ منزل مگر لوگ ساتھ آتے گئے اور کارواں بنتا گیا

مزہ چکھا کے ہی مانا ہوں میں بھی دنیا کو سمجھ رہی تھی کہ ایسے ہی چھوڑ دوں گا اسے