الف – صفحہ 27

جعفر بلوچ

اپنے چہروں کے داغ دھو نہ سکے آئنوں پر برس رہے ہیں لوگ

اب بھی آنا ہے تو آ، ورنہ میاں! یہ بھی سامان نہیں رہنے کا

اُس کے اُٹھتے ہی جی پہ آن بنی دیکھیے آگے آگے کیا ہو گا

ایک حد تک بھلا دیا تجھ کو ایک حد تک ذرا نہیں بھولے

اک نظر مُڑ کے دیکھنے والے! کیا یہ خیرات پھر نہیں ہو گی

انگوروں کے جھنڈ میں میٹھا جھرنا تو تجھ پرمٹنے والے خوش ادراک ہوئے

استخواں کانپ کانپ جلتے ہیں عشق نے آگ یہ لگائی ہے

ایک تُو تھا اور اِک منظر تھا سطحِ آب کا عکسِ گل سے جل رہا تھا آئنہ تالاب کا