الف – صفحہ 26

ظہور نظر

اُڑتے پنچھی، ڈھلتے سائے، جاتے پَل اور ہم بیرن شام کا تھام کے دامن روز بلائیں تمھیں

اے دل! کسے نصیب یہ توفیقِ اضطراب ملتی ہے زندگی میں یہ راحت کبھی کبھی

اُس اعتراف سے رس گُھل رہا ہے کانوں میں وہ اعتراف جو اُس نے ابھی کیا بھی نہیں

انھیں پتھروں پہ چل کر اگر آ سکو تو آئو مرے گھر کے راستے میں کوئی کہکشاں نہیں ہے

اگرچہ عشق میں آتش ہے اور بَلا بھی ہے نِرا بُرا نہیں یہ شغل کچھ بھلا بھی ہے

اب بھی کہتا ہوں اپنے دل کی بات کس قدر وقت ناشناس ہوں مَیں

انشا! نشانِ قافلہ کی کچھ خبر نہ پوچھ بانگِ جرس ہے اور وہی گرد ہے سو ہے

اول اول آگ بجھائی جا سکتی تھی اول اول درد کا چارہ ہو سکتا تھا

اللہ کیا سرور ہو، انشا سے بزم میں اک بار یار پوچھے اگر خیرو عافیت

انشا صاحب! پَو پھٹتی ہے، تارے ڈوبے، صبح ہوئی بات تمھاری مان کے ہم تو شب بھر بے آرام ہوئے