Qalandar Bakhsh Jurrat

قلندر بخش جرات

تیرے بیمار سا بیمار نہ ہو گا کوئی جس کو ظاہر میں جو دیکھو تو کچھ آزار نہیں

گھر سے وہ جاوے جہاں میں بھی وہیں ہوں موجود نہیں معلوم مجھے کون بتا دیتا ہے

اے ستم ایجاد! کب تک یہ ستم دیکھا کریں تو کرے غیر سے باتیں اور ہم دیکھا کریں

اُس کے آنے میں اب جو دیر ہے کچھ یہ بھی قسمت کا ہیر پھیر ہے کچھ

تھا یہ جرأت ہی اُس کے کوچہ میں وہ جو اک خاک کا سا ڈھیر ہے کچھ

جس کے غم میں آہ ہم آرام سے واقف نہیں کیا غضب ہے، وہ ہمارے نام سے واقف نہیں

دل کو، اے عشق! سوئے زلفِ سیہ فام نہ بھیج رہ زنوں میں تو مسافر کو سرِ شام نہ بھیج

ہم گلشنِ جہاں میں جوں آتشیں انار اک دم کی زندگی کا تماشا دکھا گئے

اب بھی آنا ہے تو آ، ورنہ میاں! یہ بھی سامان نہیں رہنے کا