Category: بیت بازی

جس مٹکے سے پیاس بجھائی اس میں مٹی گھول رہے ہیں

لفظوں کے گستاخ سفینے سطحِ زباں پر ڈول رہے ہیں

ہر تہی خُلق عہد میں احمدؔ غم زدوں کے لیے مسیحا ہوں

شمعِ دل تو جلا کے دیکھ مجھے تیری منزل کا سیدھا رستہ ہوں

جانے والوں کے لکھ رہا ہوں کرم آنے والوں کی سوچ پڑھتا ہوں

مہرباں سائے یاد آتے ہیں ہاڑ کی دوپہر میں جلتا ہوں

جو شبِ تیرہ میں چمکتا ہے میں وہ کردار کا ستارہ ہوں

بیعتِ حاکمِ غلط کرنا لعنتِ زندگی سمجھتا ہوں