2025 مئی – صفحہ 4

ظفر اقبال

فرق اتنا نہ سہی عشق و ہوس میں لیکن میں تو مرجاؤں ترا رنگ بھی میلا کرکے

چلو ، کچھ اس کی توجہ ادھر ہوئی تو سہی وہ اب کی بار بہت بدگماں دکھائی دیا

اس شوخ پہ مرنا تو بڑی بات ہے لیکن کہتے ہیں کہ اس عمر میں اچھا نہیں لگتا

اے ظفر سچ پوچھئے تو کامیابی عشق میں سربسر جتنی بھی ہے ناکام رہ جانے میں ہے

خیرات کا مجھے کچھ لالچ نہیں ظفرؔ میں اس گلی میں صرف صدا کرنے آیاہوں

کچھ نہ کچھ آثار رہ جاتے ہیں اُس کے جابجا وہ یہاں سے جائے بھی تواِس قدر جاتا نہیں

خواب سا آنکھوں میں رکھ کر اک تلاشِ رایگاں کا جو کہیں ہوتا نہیں ہے اس کو اکثر ڈھونڈتے ہیں

مجھ سا بزدل جائے گا بزمِ عدو میں کیا ظفرؔ میں تو مدت ہوگئی اپنے بھی گھر جاتا نہیں

جو کہیں باہر ہے اس کو کھوجتے ہیں جان و دل میں جو چھپا بیٹھا ہے اندر اس کو باہر ڈھونڈتے ہیں

اگر کافی نہیں جاں سے گزرنا ہمارے پاس کرتب اور بھی ہیں