سفر ہے مرا اپنے ڈر کی طرف
مری ایک ذاتِ دگر کی طرف
بھرے شہر میں اک بیاباں بھی تھا
اشارہ تھا اپنے ہی گھر کی طرف
مرے واسطے جانے کیا لائے گی
گئی ہے ہوا اک کھنڈر کی طرف
کنارہ ہی کٹنے کی سب دیر تھی
پھسلتے گئے ہم بھنور کی طرح
کوئی درمیاں سے نکلتا گیا
نہ دیکھا کسی ہم سفر کی طرف
تری دشمنی خود ہی مائل رہی
کسی رشتۂ بے ضرر کی طرف
رہی دل میں حسرت کہ بانی چلیں
کسی منزلِ پُر خطر کی طرف
Related posts
-
داغ دہلوی ۔۔۔ اب دل ہے مقام بے کسی کا
اب دل ہے مقام بے کسی کا یوں گھر نہ تباہ ہو کسی کا کس کس... -
خالد احمد ۔۔۔ دو غزلہ (وہ چرچا جی کے جھنجھٹ کا ہوا ہے)
وہ چرچا جی کے جھنجھٹ کا ہوا ہے کہ دل کا پاسباں کھٹکا ہوا ہے وہ... -
شہرت بخاری ۔۔۔ ہر چند سہارا ہے ، تیرے پیار کا دل کو
ہر چند سہارا ہے ، تیرے پیار کا دل کو رہتا ہے مگر ، ایک عجب...