ج – Caarwan

محسن اسرار

جو پوچھنا ہے ابھی پوچھ لو تو اچھا ہے پھر اس کے بعد تو ہم کچھ نہ کہہ سکیں شاید

جب اُس زلف کی بات چلی ڈھلتے ڈھلتے رات ڈھلی

جانے کیا ہو پلک جھپکنے میں زندگی جاگتی ہی رہتی ہے

جھوٹے وعدوں کی لذتیں مت پوچھ آنکھ در سے لگی ہی رہتی ہے

جلوہ گاہِ یار سے بھی تشنہ کام آئے ہیں لوگ جانے امیدیں زیادہ ہیں کہ جلوے کم رہے

جو مجھے جیسا سمجھتا ہے سمجھنے دیجے اپنے بارے میں کہاں تک میں صفائی دوں گا

جزائے کاوشِ تعمیر یہ ملی ہے ہمیں صدائے تیشہ سدا ساتھ گھر میں رہتی ہے

جہاں رہے گا وہیں روشنی لٹائے گا کسی چراغ کا اپنا مکاں نہیں ہوتا

جب وہ گیسو بکھیر دیتے ہیں زندگی راہ بھول جاتی ہے

جو نہ دیکھا تھا آج تک ہم نے دل کی باتوں میں آ کے دیکھ لیا