س – صفحہ 7

اسلم انصاری

ساحلِ غم کی ریت پر کس کی صدا کا خون ہے کس کو پکارتا رہا، کل کوئی ڈوبتا ہوا

سلیم! نفع نہ کچھ تم کو نقدِ جاں سے اُٹھا کہ مال کام کا جتنا تھا سب دکاں سے اُٹھا

سوال یہ ہے کہ سیدھا کھڑے کھڑے ہی ظفر درخت کیوں مجھے اُلٹا دکھائی دینے لگا

سب کو مارا جگر کے شعروں نے اور جگر کو شراب نے مارا

ساری دنیا کی نظروں میں جھوٹے ہیں اندر سے ہم لوگ جو ٹوٹے پھوٹے ہیں

سمٹا ہی تھا کہ موجِ ہوا پھر پلٹ پڑی تقسیم کر گئی ہے مجھے پھر یہاں وہاں

سیر کرنے سے، ہَوا لینے سے کام ہے دل کو مزہ لینے سے

سوچنا بھی محال ہے جس کا نقش وہ بھی مشاہدے میں ہے

سر کہیں، بال کہیں، ہاتھ کہیں، پائوں کہیں اُن کا سونا بھی ہے کس شان کا سونا دیکھو

ساحل سے رابطہ ہی نہیں ٹوٹتا کبھی کیسے سمندروں میں اُتارے گئے ہیں ہم