بیت بازی – صفحہ 24

ابراہیم اشک

تری زمیں سے اٹھیں گے تو آسماں ہوں گے ہم ایسے لوگ زمانے میں پھر کہاں ہوں گے

ذرا سی بات پہ کیا کیا نہ کھو دیا میں نے جو تم نے کھویا ہے اس کا شمار تم بھی کرو

اس دشت پہ احساں نہ کر اے ابرِ رواں اور جب آگ ہو نم خوردہ تو اٹھتا ہے دھواں اور

تبصرہ آپ کے اندازِ کرم پر کیا ہو مجھ کو خود اپنی تباہی کا سبب یاد نہیں

صبحِ صادق مجھے مطلوب ہے کس سے مانگوں تم تو بھولے ہو چراغوں سے بہل جاؤ گے

وہ کیسی آس تھی ادا جو کو بہ کو لیے پھری وہ کچھ تو تھا جو دل کو آج تک کبھو ملا نہیں

سیرت کسی کی خوب ہے صورت کسی کی خوب کوئی ہمارے دل میں ہے کوئی نظر میں ہے

ہم زود فراموشی کے لیے بدنام بہت ہیں پھر بھی بشر جب جب بھی چلی مدماتی پون اڑتا ہوا آنچل یاد آیا

پرسشِ حال کی فرصت تمہیں ممکن ہے نہ ہو پرسشِ حال طبیعت کو گوارا بھی نہیں

ذرا سی بات تھی، اندیشۂ عجم نے اسے بڑھا دیا ہے فقط زیبِ داستاں کے لیے