Urdu ghazal – صفحہ 5

شہزاد احمد

چھپ چھپ کے کہاں تک ترے دیدار ملیں گے اے پردہ نشیں اب سرِ بازار ملیں گے

شام ہونے کو ہے جلنے کو ہے شمع محفل سانس لینے کی بھی فرصت نہیں پروانے کو

تو کچھ بھی ہو کب تک تجھے ہم یاد کریں گے تا حشر تو یہ دل بھی دھڑکتا نہ رہے گا

واقعہ کچھ بھی ہو سچ کہنے میں رسوائی ہے کیوں نہ خاموش رہوں اہل نظر کہلاؤں

دل سا وحشی کبھی قابو میں نہ آیا یارو ہار کر بیٹھ گئے جال بچھانے والے

یوں تری یاد میں دن رات مگن رہتا ہوں دل دھڑکنا ترے قدموں کی صدا لگتا ہے

تیرے لیے چلے تھے ہم تیرے لیے ٹھہر گئے تو نے کہا تو جی اٹھے تو نے کہا تو مر گئے

سرِ صحرا مسافر کو ستارہ یاد رہتا ہے میں چلتا ہوں مجھے چہرہ تمہارا یاد رہتا ہے

جو مہ و سال گزارے ہیں بچھڑ کر ہم نے وہ مہ و سال اگر ساتھ گزارے ہوتے

دائیں رخسار پہ آتش کی چمک وجہ جمال بائیں رخسار کی آغوش میں خال اچھا ہے