نعت رسول مقبول صلی اللہ علیہ وسلم ۔۔۔ خمار بارہ بنکوی

تیرے محبوب کا حبیب ہوں مَیں
خیر! یا رب ترا رقیب ہوں مَیں
زندگی کٹ رہی ہے فاقوں میں
اپنے آقا سے اب قریب ہوں مَیں
مالِ دنیا ہے میری ٹھوکر میں
کم نظر کہتے ہیں: غریب ہوں مَیں
موت آئے اگر مدینے میں
جب مَیں جانوں کہ خوش نصیب ہوں مَیں
مَیں تو نعتِ رسول پڑھتا ہوں
لوگ کہتے ہیں: عندلیب ہوں مَیں
اُن کی یاد، اُن سے کم نہیں ہے خمار
دُور، اُن سے نہیں قریب ہوں مَیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعہ کلام: رقصِ مے
رنگِ ادب پبلی کیشنز، کراچی
اشاعتِ دوم: مارچ ۲۰۱۵ء
https://youtu.be/EowWkj2nvfw

Related posts

Leave a Comment