الف – صفحہ 5

محسن اسرار

اُسی نے پیار کیا تھا اُداس بھی ہے وہی مگر یہ بوجھ ہماری بھی جان پر کچھ ہے

اس کے کوچے میں بہت رہتے ہیں دیوانے پڑے ان میں دیکھا تو میاں رنگیں نہ پہچانے پڑے

اس بلندی پہ ہم نے پڑاؤ کیا جس کے آگے فقط پستیاں رہ گئیں

اے صفِ ماتم ٹھہر ، اے مجلسِ گریہ سنبھل! تازہ دم ، تازہ نفس، تازہ رثا آنے کو ہے

ادھورا جسم لیے پیچھے ہٹ رہا ہوں میں کہ اک کنارا ہوں دریا کا کٹ رہا ہوں میں

ایک شکن وصال کی ، ایک شکن فراق کی سلوٹیں پڑ گئیں ہیں دو ، جامۂ دستیاب میں

اندھوں نے بلوایا ہے بھیس بدل کر جانا ہے

چندلوگوں کی محبت بھی غنیمت ہے میاں شہر کا شہر ہمارا تو نہیں ہو سکتا

تب ہوگی خبر کتنی ہے رفتارِ تغیر جب شام ڈھلے لوٹ کے آئے گا کوئی اور

اک ٹیس سی دل میں اٹھتی ہے اک درد سا دل میں ہوتا ہے ہم راتوں کو رویا کرتے ہیں جب سارا عالم سوتا ہے