الف – صفحہ 4

محسن اسرار

ابھی تک میں تری نظروں میں اچھا کیوں نہیں ہوں مجھے اپنے برے ہونے پہ قابو کیوں نہیں ہے

اک تری یاد گلے ایسے پڑی ہے کہ نجیبؔ آج کا کام بھی ہم کل پہ اٹھا رکھتے ہیں

اُس رشکِ مہ کی بزم میں جاتے ہی آفتاب دل سا رفیق میرا، مرے سات سے گیا

اے سروِ گل بدن تو ذرا ٹک چمن میں آ جیوں گل شگفتہ ہو کے مری انجمن میں آ

اڑاؤں کیوں نہ گریباں کی دھجیاں ہیہات وہی یہ ہاتھ ہیں جن میں کسی کا دامن تھا

ابر گِھر گِھر کے چلا آتا ہے میخانے کو کاش ساقی کو بھی آ جائے ترس اب کے برس

اک تماشا ہے دل کی حالت کا ایک حالات کا تماشا ہے

امید کا گھروندا پل میں گرا دیا ہے تجھ کو بھی کیا کسی نے دل سے بھلا دیا ہے

اُسے بتاؤ کہ محسنؔ ابھی میں زندہ ہوں رگوں میں خون بھی ہے ہڈیوں پہ ماس بھی ہے

اسے بھی پیار کے موسم پسند ہیں جاذب سفر کی دھوپ میں جلنے شجر بھی آتا ہے