بیت بازی – صفحہ 28

ادا جعفری

جس کی باتوں کے فسانے لکھے اس نے تو کچھ نہ کہا تھا شاید

خزینے جاں کے لٹانے والے دلوں میں بسنے کی آس لے کر سنا ہے کچھ لوگ ایسے گزرے جو گھر سے آئے نہ گھر گئے ہیں

سورج ستارے چاند مرے ساتھ میں رہے جب تک تمہارے ہاتھ مرے ہاتھ میں رہے

آتے جاتے پل یہ کہتے ہیں ہمارے کان میں کوچ کا اعلان ہونے کو ہے تیاری رکھو

رَمز کی بات کس طرح کیجے آئنہ ہو گئے اشارے بھی

موت سے زیست کی تکمیل نہیں ہو سکتی روشنی خاک میں تحلیل نہیں ہو سکتی

ابھی صحیفۂ جاں پر رقم بھی کیا ہوگا ابھی تو یاد بھی بے ساختہ نہیں آئی

بوتلیں کھول کر تو پی برسوں آج دل کھول کر بھی پی جائے

شام نے جب پلکوں پہ آتش دان لیا کچھ یادوں نے چٹکی میں لوبان لیا

پھر یوں ہوا کہ مجھ پہ ہی دیوار گر پڑی لیکن نہ کھل سکا پس دیوار کون ہے