نہ جانے کیوں ہے یہ دل بے قرار کیا کہیے خوشی ہی راس نہ غم ساز گار کیا کہیے تمام رات ستاروں نے خون چھڑکا ہے کیا ہے کیسے ترا انتظار کیا کہیے ہر ایک یاد سے زخموں کے پھول کھلتے ہیں تباہ دل کے چمن کی بہار کیا کہیے ہجومِ جلوۂ رنگیں میں کھو گئی ہے نظر بہارِ حسن کا دل کش نکھار کیا کہیے یہ کس مقام پہ چھوڑا ہے زیست نے محسن نہ کوئی غم نہ کوئی غم گسار کیا کہیے

جِس سے ہر شخص ہے بیزار ، بدل ڈالیں گے ہم سیاست کا یہ معیار بدل ڈالیں گے جس نے لُوٹا ہے مرے دیس کی مٹّی کا سہاگ اِس کہانی سے وہ کردار بدل ڈالیں گے تو نے سینچا ہے جسے اپنے لہو سے برسوں یہ تو پل بھر میں وہ گلزار بدل ڈالیں گے میں نہ کہتا تھا کہ یہ لوگ تو سوداگر ہیں ترے اجداد کی اقدار بدل ڈالیں گے سُن اے نیلام گھروں تک ہمیں لانے والے! ہم ترا مصر کا بازار بدل ڈالیں گے ہم نے…

عمر بھر ایک شرر یاد آیا ایک جلتا ہوا گھر یاد آیا ہر طرف خاک مرے اُڑنے لگی جب بھی وہ دشت وہ سر یاد آیا میں کہاں اس کو بھلا بھول سکا ہاں تکلف سے مگر یاد آیا جب بھی آیا مجھے دنیا کا خیال ایک ممنوعہ شجر یاد آیا سن کے ہوتا ہے تعجب مجھ کو آرزو آپ کو گھر یاد آیا

جس کو چاہا کبھی مِلا تو نہیں زندگی یہ تِری سزا تو نہیں جانے کِس موڑ پر بچھڑ جائے ہم سفر نے ابھی کہا تو نہیں ہم مسافر ہیں ، آخرِ شب کے چل پڑیں ، کب ، کہیں ، پتا تو نہیں کوئی ویران کر گیا ہے شہر لوگ کہتے ہیں کچھ ہوا تو نہیں یہ مِرا گھر ہے یا کوئی صحرا پھول آنگن کوئی کِھلا تو نہیں وہ جو کب کا بچھڑ گیا یوسف شہرِ جاں سے ابھی گیا تو نہیں ۔۔۔۔ شور ایسا مری بستی کی فضا…

ایک لمحہ ہے ترے حُسنِ نظر کا جاگنا عشق ہے لیکن مسلسل عمر بھر کا جاگنا زندگی کے چاک پر گردِش کو رکھتا ہے رواں کُوزہ گر کے ہاتھ میں شوقِ ہنر کا جاگنا بنتا جاتا ہے تلاشِ آب و دانہ کا سبب صبح سے پہلے ہر اِک شاخِ شجر کا جاگنا کر گیا مجھ کو نئی سمتوں کی حیرانی میں گم منزلِ گم گشتہ سے عزمِ سفر کا جاگنا پھر کوئی پُرنم اُداسی دے گیا مجھ کو نبیل صفحۂ دل پر کسی رنگِ اثر کا جاگنا ۔۔۔۔۔ زندگی یوں…

دریا کنارے بیٹھا بھی پیاسا لگا مجھے میلے میں آ کے بھی کوئی تنہا لگا مجھے مسکاں منافقت کی مرا دل جلا گئی دشمن کا منہ پہ بولنا اچھا لگا مجھے ہر سانس جیسے وجہِ شکستِ وجود ہے ہر لمحہ ایک گھن کی طرح سا لگا مجھے جیسے ٹریڈ مل پہ ہوں اور چل نہیں رہا ایسا بھی ہو رہا ہے کچھ ، ایسا لگا مجھے آتا گیا قریب تو کھلتا چلا گیا اک شخص جو کہ دُور سے اچھا لگا مجھے دیکھا اُسے جو پیار کا چشمہ اتار کر…