Literary Quotes – صفحہ 2

ناظم علی خان ہجر

اے ہجر وقت ٹل نہیں سکتا ہے موت کا لیکن یہ دیکھنا ہے کہ مٹی کہاں کی ہے

مجھے وہ یاد کرتے ہیں یہ کہہ کر خدا بخشے نہایت باوفا تھا

کسی نے راہ کا پتھر ہمیں کو ٹھہرایا یہ اور بات کہ پھر آئنہ ہمیں ٹھہرے

خوب نبھے گی ہم دونوں میں میرے جیسا تو بھی ہے تھوڑا جھوٹا میں بھی ٹھہرا تھوڑا جھوٹا تو بھی ہے

مر بھی گئے ہم اور نہ ان تک خبر گئی اے آہِ واپسیں یہ بتا تو کدھر گئی

وہ بزم دیکھیے طرب افزا کہیں جسے ٹوٹا ہے دل ہی سازِ تمنا کہیں جسے یہ دل ہو خونِ شرحِ تمنا کہیں جسے ٹپکے وہ قطرہ آنکھ سے دریا کہیں جسے

بھلا حصولِ تمنا کی جستجو کیا ہے جو زندگی میں بر آۓ وہ آرزو کیا ہے

محشر میں جا کے آخر کیا داد خواہ کرتے کہتا اسی کی ایسی جس کو گواہ کرتے

انتظار مرگ میں پیری نفس بردوش ہے کوئی دم میں اب چراغِ زندگی خاموش ہے

جو بھی آتا ہے وہی دل میں سما جاتا ہے کتنے دریاؤں کا پیاسا ہے سمندر میرا