قابل اجمیری

خود اہلِ کشتی کی سازشیں ہیں کہ نا خدا کی نوازشیں ہیں وہیں تلاطم کو ہوش آیا جہاں کناروں نے ساتھ چھوڑا

غلام ہمدانی مصحفی

خدا رکھے زباں ہم نے سنی ہے میر و مرزا کی کہیں کس منہ سے ہم اے مصحفی اردو ہماری ہے

خدا کے ساتھ محبت ہی کر رہے تھے ہمکسی نے بیچ میں آکے فساد ڈال دیا!

خود رفتگی ِشب کا مزا بھولتا نہیں آئے ہیں آج آپ میں یارب کہاں سے ہم

خیالِ سود نہ اندیشہ زیاں ہے ابھی چلے چلو کہ مذاقِ سفر جواں ہے ابھی

خدا کرے کہ سنے تو زبانِ خاموشی ترے پڑوس میں کچھ بے زبان رہتے ہیں

خشک نہروں سے صدائے تشنگی آتی رہی اور سمندر موجِ بے آواز سے سرشار تھا

خوشبوئیں کر رہی ہیں اس کا طواف باغ سب ہیں ہرے بھرے اس کے

خوشیوں کا ایک بھی نہیں آیا کواڑ فِٹ کھڑکی اداسیوں کی کھلی تھی، کھلی رہی

خوف سے ہر شجر کا دل دھڑکا موسم آیا جہاں میں پت جھڑ کا