ع – صفحہ 3

آصف شفیع

عجیب ہوتا ہے آزار نارسائی کا یہ ایسا روگ ہے جس کی کسک نہیں جاتی

عارض پہ مر مٹا، کبھی گیسو میں جا پھنسا دل کی ہمارے شام کہیں ہے سحر کہیں

عشق کے فن میں ہے اکبر کا بھی درجہ عالی عیب کچھ اُس میں نہیں ضبط نہ کرنے کے سوا

عجب کہ روز اندھیروں سے نور کاڑھتا ہوں فغاں کی رات ہوئی فاش، راز کوئی نہ تھا

عشق، تہذیب میں زنجیر ہوا کوئی شدت، کوئی حدت نہ رہی

عمرِ رفتہ کی رہگزاروں پر ایک تیرا نشان باقی ہے

عمر گردِ کارواں ہونے کو ہے ہر مسافت رایگاں ہونے کو ہے

عجب وہ ساعتِ پرواز تھی کہ جب مجھ کو زمین دور لگی، آسماں قریب لگا

عمر بھر روح کی اور جسم کی یک جائی ہو کیا قیامت ہے کہ پھر بھی نہ شناسائی ہو

عروسِ لالہ! مناسب نہیں ہے مجھ سے حجاب کہ مَیں نسیمِ سحر کے سوا کچھ اور نہیں