ساقی فاروقی

فرار ۔۔۔۔ شام شام باولے خواب کے عذاب سے ڈرے ہوئے پور پور نیند سے بھرے ہوئے بار بار سوچتے رہیں رات ہو تو رات کاٹ دیں حجلہء ملال میں خیمہء خیال میں دن پکارتا رہے شام شام باولے ۔۔۔۔۔۔۔۔۔۔۔

موت نے پردا کرتے کرتے پردا چھوڑ دیا میرے اندر آج کسی نے جینا چھوڑ دیا خوف کہ رستہ بھول گئ امید کی اجلی دھوپ اس لڑکی نے بالکنی پر آنا چھوڑ دیا روز شکایت لے کر تیری یاد آ جاتی ہے جس کا دامن آہستہ آہستہ چھوڑ دیا دنیا کی بے راہ روی کے افسانے لکھے اور اپنی دنیا داری کا قصہ چھوڑ دیا بس تتلی کا کچا کچا رنگ آنکھوں میں ہے زندہ رہنے کی خواہش نے پیچھا چھوڑ دیا

رنگ اور آگ… ساقی فاروقی

نومبر 14, 2019نومبر 15, 2019 نويد صادق

رنگ اور آگ ……. اب بہت تھک گئے ہو، اب سو جاؤ ایک سسکی ہوا میں بہتی ہے رات سرگوشیوں میں کہتی ہے روح کی آگ سے بدن کو بچاؤ رنگ سے اپنا پیرہن نہ جلاؤ اب بہت تھک گئے ہو، اب سو جاؤ

بدگمانی… ساقی فاروقی

اکتوبر 21, 2019اکتوبر 22, 2019 نويد صادق

بدگمانی …. جو ہو سکے تو ایک روز اعتبار کے عذاب سے گزار دے مجھے کہ احتمال اور ہے صفر نہیں تو پھر صفر سے جنگ کیا خدا کے واسطے مجھے بتا اگر کسی کا انتظار ہی نہ تھا تو ساری عمر کس کے انتظار میں گزر گئ جمال خاں اچک زئی! مرا سوال اور ہے

ساقی فاروقی …. بادِ نسیاں ہے، مرا نام بتا دو کوئی

اکتوبر 3, 2019اکتوبر 22, 2019 نويد صادق

بادِ نسیاں ہے، مرا نام بتا دو کوئی ڈھونڈ کر لاؤ مجھے، میرا پتا دو کوئی حادثہ ہے کہ ستاروں سے مجھے وحشت ہے مجھ کو اس دشت کے آداب سکھا دو کوئی وہ اندھیرا ہے کہ تنہائی سے ہول آتا ہے سارے بچھڑے ہوئے لوگوں کو صدا دو کوئی ایک مدت سے چراغوں کی طرح جلتی ہیں ان ترستی ہوئی آنکھوں کو بجھا دو کوئی موج در موج مری زندگی گرداب میں ہے اس سفینے کو کنارے سے لگا دو کوئی