چ – صفحہ 5

سید آلِ احمد

چھائوں کرتا ہوں شہر میں تقسیم اپنے چہرے پہ دھوپ ملتا ہوں

چشمِ گریاں! یہ کس نے پونچھے اشک دیکھ تو کون آئے بیٹھے ہیں

چلو، رسمِ وفا ہم بھی اُٹھا دیں کوئی دن شہر میں چرچا رہے گا

چمن میں آپ کی طرح گلاب ایک بھی نہیں حضور ایک بھی نہیں، جناب ایک بھی نہیں

چاند پر جائے یا ستارے پر آدمی کا بھلا کرے کوئی

چراغ بھی دسترس سے باہر ہے اور ہوا بھی عجیب ہوتا ہے نارسائی کا سلسلہ بھی

چھائوں میں دھوپ چبھنے لگتی ہے اس کو کہتے ہیں بے وطن ہونا

چلو یہی سہی! تم نے کوئی خطا نہیں کی مگر وفا بھی تو اے یارِ خوش نما نہیں کی

چھو کر حدِ فنا کو جوانی جواں ہوئی جو آگ جل رہی تھی وہ آخر دھواں ہوئی آمادہِ سفر کی نگاہیں تڑپ گئیں سیٹی رُکی تو شام کی گاڑی رواں ہوئی

چار موج اُٹھتی ہے طوفانِ طرب سے ہر سُو موجِ گل، موجِ شفق، موجِ صبا، موجِ شراب