آج کا شعر – صفحہ 17

حامد یزدانی

الاپ آتا ہے جیسے گیت میں دُھن سے ذرا پہلے سنی تھی تم نے بھی کیا وہ صدا کُن سے ذرا پہلے

یزیدِ وقت کی بیعت سے انحراف کیا فصیلِ کفر میں انکار سے شگاف کیا

اتنا ٹوٹا ہوں کہ چھونے سے بکھر جاؤں گا اب اگر اور دعا دوگے تو مر جاؤں گا!

یہ سوچتے ہیں کہ ہم اب کبھی نہ روئیں گے پھر اس کے بعد اچانک ہی رونے لگتے ہیں

ہم مصحفی بہ کفر تو مشہور ہو چکے آنا قبول اب نہیں اسلام میں ہمیں

اب تو ہر ہاتھ کا پتھر ہمیں پہچانتا ہے عمر گزری ہے ترے شہر میں آتے جاتے

دہکتی خاک پہ بادل بچھا دیا کس نے پڑی ہے تپتی ہوئی ریت پر ردائےحسین

کمال ضبط کو خود بھی تو آزماؤں گی میں اپنے ہاتھ سے اس کی دلہن سجاؤں گی

اب اور کیا کسی سے مراسم بڑھائیں ہم یہ بھی بہت ہے تجھ کو اگر بھول جائیں ہم

زندگی! میں بھی مسافر ہوں تری کشتی کا تو جہاں مجھ سے کہے گی میں اُتر جاؤں گا