ج – صفحہ 7

احسان دانش

جتنے اربابِ جنوں اتنے ہی اندازِ فغاں ایک سے ایک کی ملتی نہیں آواز کبھی

جب سے آنکھوں میں کھٹکنے لگی ریت میرے صحراؤں میں وُسعت نہ رہی

جوابِ حسنِ طلب بے دلوں سے بن نہ پڑا حیا سے گڑ گئے جب نام آ گیا دل کا

جس طرح لکڑی کو کھا جاتا ہے گھن رفتہ رفتہ غم مجھے کھا جائے گا

جو بات مَیں نے اُس سے نہیں کی اِس آن تک آئی کہاں سے خلق کی، یا رب! زبان تک

جو دبی ہے چنگاری، اب اسے نہ چھیڑیں لوگ، آگ سے نہ کھیلیں لوگ ضبط کی بھی اک حد ہے، ویسے ہم ابھی تک تو آہِ ناکشیدہ ہیں

جب بگولہ کوئی اٹھا تو میں وحشی سمجھا میرے رہنے کو حویلی ہوئی تیار نئی

جہاں اپنا قصہ سنانا پڑا وہیں ہم کو رونا رلانا پڑا

جو بات میکدے میں ہے اک اک زبان پر افسوس مدرسے میں ہےبالکل نہاں ہنوز

جانے کیا ہونے والا ہے نیند نہ آئے خوف سے رات ڈرائے، شہر ڈرائے ایک اکیلی ذات کو