ج – صفحہ 8

رام ریاض

جتنا ہو سوال اس کا جواب اتنا ہی دینا دامن کوئی پوچھے تو اسے چاک نہ کہنا

جو سینے میں دل ہے تو بارِ محبت اُٹھے یا نہ اُٹھے، اُٹھانا پڑے گا

جُز ترے، کوئی مرے پاس کہاں ہوتا ہے اپنے سائے پہ بھی تیرا ہی گماں ہوتا ہے ۔۔۔۔۔۔۔۔۔۔۔۔۔۔۔۔۔۔ مجموعہ کلام: نشاطِ رفتہ شیخ غلام علی اینڈ سنز ۱۹۵۱ء

جاتے ہوئے وہ خود کو یہیں چھوڑ گیا ہے اُس کو تو بچھڑنے کا سلیقہ بھی نہ آیا

جی بھر کے دوستوں سے گلے بھی نہ مل سکا کیا جلد قافلے نے کیا ایک بار کوچ

جو چاہے سجدہ گزارے جو چاہے ٹھکرا دے پڑا ہوا میں زمانے کی رہ گزر میں ہوں

جلا ہے جسم جہاں دل بھی جل گیا ہو گا کریدتے ہو جو اب راکھ ، جستجو کیا ہے

جوں جوں کہ پڑیں منہ پہ ترے مینہ کی بوندیں جوں لالہء تر حسن ترا اور بھی چمکا

جس کے غم میں آہ ہم آرام سے واقف نہیں کیا غضب ہے، وہ ہمارے نام سے واقف نہیں

جو لکھتا پھرتا ہے دیوار و در پہ نام مرا بکھیر دے نہ کہیں حرف حرف کے مجھے