ج – صفحہ 9

علامہ طالب جوہری

جس مٹکے سے پیاس بجھائی اس میں مٹی گھول رہے ہیں

جانے والوں کے لکھ رہا ہوں کرم آنے والوں کی سوچ پڑھتا ہوں

جو شبِ تیرہ میں چمکتا ہے میں وہ کردار کا ستارہ ہوں

جب سے پیدا ہوا ہوں، تنہا ہوں خواب میں تتلیاں پکڑتا ہوں

جانے کس دن ہاتھ سے رکھ دوں گا دنیا کی زمام جانے کس دن ترکِ دنیا کا خیال آ جائے گا

جتنی بار اُس طرف نگاہ اُٹھی روح تک ہم لرز گئے ہر بار

جرسِ گُل سنائی دی نہ ہمیں کر گیا کوچ کاروانِ بہار

جو چہرہ سامنے آیا، وہ سامنے ہی رہا زوالِ عمر کے دن کتنے خوبصورت ہیں

جل جانے سے ڈرتے ہو تم نے جل کر دیکھا بھی

جن باتوں نے پیار تمھارا نفرت میں بدلا ڈر لگتا ہے وہ باتیں بھی بھول نہ جائیں تمھیں