د – صفحہ 4

خالد علیم

دلِ آزردہ بھی کیا خوش نظری رکھتا ہے اپنی ہر رات ستاروں سے بھری رکھتا ہے

دوستی جب کسی سے کی جائے دشمنوں کی بھی رائے لی جائے

دوست بن کر بھی نہیں ساتھ نبھانے والا وہی انداز ہے ظالم کا زمانے والا

دل کے کمروں میں میاں اتنے بھی مکھڑے نہ گھسیڑ چار مرلے کا ہے گھر، برج خلیفہ تو نہیں

دلوں کی روشنی بجھنے نہ دینا وجودِ تیرگی محکم نہیں ہے

دلوں میں جھانکنے والی نظر کچھ اور ہوتی ہے نظر آتے نہیں جو، وہ تماشے اور ہوتے ہیں

درِ زنداں پہ کس نے دستک دی آج موسم بہار سا کیوں ہے

دنیا میں اک شخص ہی پیارا لگتا ہے ہم ایسوں میں یہ بیماری ہوتی ہے

دل کسی سے نہیں ملا اس کا ہاتھ سب سے ملا رہا تھا وہ

دبے دبے رہے سینے میں آرزو کے داغ تمہارے حسن کے آگے چراغ کیا جلتے؟