بیت بازی – صفحہ 193

حسرت موہانی

بر سرِ ناز وہ ازراہِ کرم پہنچا تھا شب عجب لطف کا سامان بہم پہنچا تھا

ٹوٹا جو کعبہ کون سی یہ جائے غم ہے شیخ کچھ قصرِ دل نہیں کہ بنایا نہ جائے گا

نہ چھیڑ، اے نکہتِ بادِ بہاری! راہ لگ اپنی تجھے اٹھکیلیاں سوجھیں(سوجھی) ہیں، ہم بے زار بیٹھے ہیں

طلب نہ چرخ سے کر نانِ راحت، اے سودا پھرے ہے آپ یہ کاسہ لیے گدائی کا

وجہ ِ بے گانگی نہیں معلوم تم جہاں کے ہو، واں کے ہم بھی ہیں

مَیں اپنی زندگی کو برا کیوں کہوں حفیظ رہنا ہے اس کے ساتھ میاں عمر بھر مجھے

اِن دنوں ہم سے جو وحشی کی طرح بھڑکو ہو یہ تو ملنے کا تمھارے کوئی اسلوب نہ تھا

ادب دیا ہے ہاتھ سے اپنے کبھو بھلا مے خانے کا کیسے ہی ہم مست چلے پر سجدہ ہر یک گام کیا

گل اس نگہ کے زخم رسیدوں میں مل گیا یہ بھی لہو لگا کے شہیدوں میں مل گیا

کیا تماشا ہے، جو نہ دیکھے تھے وہ تماشے دکھائے لوگوں نے