بیت بازی – صفحہ 200

انور شعور

یہیں کٹتا ہے وقت اکثر ہمارا یہی گھر ہے، یہی دفتر ہمارا

دل کو، اے عشق! سوئے زلفِ سیہ فام نہ بھیج رہ زنوں میں تو مسافر کو سرِ شام نہ بھیج

مت پوچھ دل کی باتیں، وہ دل کہاں ہے، ہم ہیں اس تخمِ بے نشاں کا حاصل کہاں ہے، ہم ہیں

مثالِ بحر موجیں مارتا ہے لیا ہے میں نے اس جگ سے کنارا

ہم گلشنِ جہاں میں جوں آتشیں انار اک دم کی زندگی کا تماشا دکھا گئے

بندہ اُسے جب نظر پڑا ہے بولا ہے ’’ چل اُٹھ، کدھر پڑا ہے‘‘

چمک اٹھی ہے شبِ تار تیرے ہونے سے یہ روشنی ہے لگاتار تیرے ہونے سے

فضا میں اور ہی تصویر بن رہی تھی کوئی مجھے اک اور تماشا دکھائی دینے لگا

وہ چاندنی، وہ سمندر، وہ رخ بدلتی ہوا وہ شور تھا کہ تلاطم سے ڈر گئے ہم بھی

رہا نہ اک ذرا تسکین کا یہ پہلو بھی زمانہ درپئے آزار تھا اور اب تو بھی!