بیت بازی – صفحہ 226

سلیم ساگر

ایک حد تک بھلا دیا تجھ کو ایک حد تک ذرا نہیں بھولے

چار موج اُٹھتی ہے طوفانِ طرب سے ہر سُو موجِ گل، موجِ شفق، موجِ صبا، موجِ شراب

ساحل سے رابطہ ہی نہیں ٹوٹتا کبھی کیسے سمندروں میں اُتارے گئے ہیں ہم

خیالِ خاطرِ احباب اور کیا کرتے جگر پہ زخم بھی کھائے، شمار بھی نہ کیا

دیکھنا یہ ہے کہ دیوانے کا دوسرا پائوں کہاں پڑتا ہے

تمنائوں میں اُلجھایا گیا ہوں کھلونے دے کے بہلایا گیا ہوں

مَیں اِک شجر کی طرح رہ گزر میں ٹھہرا ہوں تھکن اُتار کے تُو کس طرف روانہ ہُوا

آج بہت اُداس ہوں یوں کوئی خاص غم نہیں

چشمِ جنوں میں حسنِ سلاسل ہے بے قرار کس کی گلی میں جشنِ چراغاں منائیں ہم

یہ کس روانی میں ڈوبتی جا رہی ہیں آنکھیں چمک رہا ہے یہ کیوں رخِ آب پر ستارہ