بیت بازی – صفحہ 225

کنور امتیاز احمد

غزلوں کو دُعا بنا رہا ہوں اک رستہ نیا بنا رہا ہوں

لاہور کہ اہلِ دل کی جاں تھا کوفے کی مثال ہو گیا ہے

ڈانٹ کھاتا ہے شعور آج گھرانے بھر کی بچپنے میں یہ چہیتا تھا گھرانے بھر کا

کل مر جاتا، بہتر تھا آج تو حالت بدتر ہے

ہَوا کے جسم پر نیلی خراشیں فضا کی برہمی بتلا رہی ہیں

مَیں اپنی انگشت کاٹتا تھا کہ بیچ میں نیند آ نہ جائے اگرچہ سب خواب کا سفر تھا مگر حقیقت میں آ بسا ہوں

پہاڑ کاٹنے والے زمیں سے ہار گئے اسی زمین میں دریا سمائے ہیں کیا کیا!

چھو کر حدِ فنا کو جوانی جواں ہوئی جو آگ جل رہی تھی وہ آخر دھواں ہوئی آمادہِ سفر کی نگاہیں تڑپ گئیں سیٹی رُکی تو شام کی گاڑی رواں ہوئی

گھر تو برباد کر دیا تم نے اب تمھیں گھر سے دور جانا ہے

شاید مَیں تیرے دھیان میں پھر سے اُبھر سکوں مَیں اجنبی سہی، مجھے پہچان کے تو دیکھ