بیت بازی – صفحہ 71

ناصر شہزاد

تو نے خوف مرگ مٹا دیا تو نے حق کو جینا سکھا دیا تو حسن حسین کا پیشوا تو علی ولی کا امام ہے

تم اپنے رنگ نہاؤ میں اپنی موج اڑوں وہ بات بھول بھی جاؤ جو آنی جانی ہوئی

بے خبری میں ہونٹ دیے کی لو کو چومنے والے تھے وہ تو اچانک پھوٹ پڑی تھی خوشبو رات کی رانی سے

ہمارے دل کو اک آزار ہے ایسا نہیں لگتا کہ ہم دفتر بھی جاتے ہیں غزل خوانی بھی کرتے ہیں

میں چاہتا ہوں ٹھہر جائے چشمِ دریا میں لرزتا عکس تمہارا بھی میرا سایا بھی

بھوک پیچھے پڑ گئی ہے ہاتھ دھو کر اور بھی پیٹ سے باندھو مرے دو چار پتھر اور بھی

تری یادوں نے تڑپایا بہت ہے بھلے ہی دل کو سمجھایا بہت ہے

خود مٹ گیا مٹاتا ہوا سطوتِ حسین تاریخ مات دے گئی ابن زیاد کو

تری گلی میں تماشا کیے زمانہ ہوا پھر اس کے بعد نہ آنا ہوا نہ جانا ہوا

جھکی جھکی سی نظر بے قرار ہے کہ نہیں دبا دبا سا سہی دل میں پیار ہے کہ نہیں