دوستی پر جو شاعری ہے دوست! یہ بھی اِک رنگِ دوستی ہے دوست! تُو کِسی گاؤں میں پَلا بڑھا ہے تیرے لہجے میں سادگی ہے دوست! اپنی تعریف خُود ہی کرتے ہو یہ تو اِحساسِ کَمتَری ہے دوست! پِھر مِلیں گے کِسی زَمانے میں کب مُلاقات آخری ہے دوست؟ اب مُجھے سب دِکھائی دیتا ہے اب تِری یاد روشنی ہے دوست! تُجھ کو دیکھا تو جان پایا ہوں دیکھنے کی الگ خُوشی ہے دوست! اِس میں ہر غَم سمائے گا کیفی! دِل کی دُنیا بہت بڑی ہے دوست!
Read MoreDay: نومبر 30، 2023
آفتاب خان ۔۔۔۔ کھٹک رہی ہے گھُٹن کی یہ بُودوباش مجھے
کھٹک رہی ہے گھُٹن کی یہ بُودوباش مجھے پڑا ہوں میں کِسی پتھر میں تُو تراش مجھے ملائمت سے ، نفاست سے چُھو مِرا پیکر اور ایسے چُھو کہ نہ آئے کوئی خراش مجھے اِدھر اُدھر کے علاقوں میں ڈُھونڈتا ہے کیا میں تیرے دِل میں چُھپا ہُوں وہاں تلاش مجھے سفید کانچ کے پُل پر پُہنچ کے سوچتا ہُوں مِرا غُرور ہی کر دے نہ پاش پاش مجھے میں پُورے قد سے کھڑا ہوں سخن سرائے میں لگے رہے ہیں گِرانے میں بدمعاش مجھے بدن میں خُون کی شاید…
Read Moreنعتؐ ۔۔۔ جمیلہ منیر (ماہنامہ بیاض لاہور ، اکتوبر 2023 )
آپ پر ہے رحمتِ یزداں امام الانبیاء آپ ہی کی شان میں قرآں امام الانبیاء کیا مری مدحت نگاری اے حبیب ذولمنن! جب خدا خود ہے ستائش خواں امام الانبیاء رات دن تیرے ہی کوچے کی زیارت کی لگن ہے یہی اس ذوق کا ساماں امام الانبیاء آپ کے دیدار کی امید میں مدت سے دل صورتِ آئینہ ہے حیراں امام الانبیاء ہو شہا ناچیز پہ لطف و کرم کی اک نظر یہ جمیلہ بھی ہے مدحت خواں امام الانبیاء
Read Moreخاور اعجاز ۔۔۔۔ عقیدت (ماہنامہ بیاض لاہور، اکتوبر 2023 )
عقیدت ۔۔۔۔۔۔۔ کبھی یہ معجزۂ ماہ و سال ہو جائے عظیم رفتہ نگہبانِ حال ہو جائے وہ روشنی ہے مِرے فکر و فن کے خیموں میں جہاں بھی اُبھرے وہاں بے مثال ہو جائے ہمیں نصیب ہو تطہیرِ فکر کی ساعت ہوس کی قید سے جذبہ بحال ہو جائے شجر کا ہاتھ نہ چھوٹے اگرچہ کانٹوں سے لہو لہان بھی شاخِ مآل ہو جائے حسینؓ آپ سے نسبت ہے جس روایت کو خدا کرے اُسے حاصل کمال ہو جائے
Read Moreگلزار بخاری ۔۔۔ غرور (ماہنامہ بیاض لاہور ، اکتوبر 2023 )
غرور ۔۔۔۔۔۔ مہ و سال پر نہ غرور کر تجھے اصلیت کا پتا نہیں تجھے زندگی جو عطا ہوئی وہ محیط تین دنوں پہ ہے ترا عہدِ رفتہ ہے ایک دن جو گزر گیا کبھی لوٹ کر نہیں آئے گا ترا آنے والا جو کل ہے وہ بھی ہے ایک دن اسے عمر میں نہ شمار کر کہ وہ آئے بھی تو یقیں نہیں تجھے ذی حیات ہی پائے گا ترے پاس ایک ہی روز ہے جسے آج کہتے ہیں نکتہ داں تری دسترس میں کچھ اور اس کے سوا…
Read Moreگلزار بخاری ۔۔۔۔ ایسی قدیم آگ میں ڈالا گیا ہوں میں (ماہنامہ بیاض لاہور اکتوبر 2023 )
ایسی قدیم آگ میں ڈالا گیا ہوں میں محسوس ہو رہا ہے اُجالا گیا ہوں میں ماحول ہے مرے لیے فردوس کی طرح جس ڈھنگ کی فضاؤں میں پالا گیا ہوں میں ماضی کی داستان بھلائی نہ جائے گی باغِ جناں کے وعدے پہ ٹالا گیا ہوں میں امکان ہے کہ مصر کی شاہی نصیب ہو اجڑے ہوئے کنویں سے نکالا گیا ہوں میں سنبھلا ہوں اس طرح سے کہ گرنا لگا مجھے گرتے ہوئے لگا کہ سنبھالا گیا ہوں میں لگنے لگی ہیں پست ہمالا کی چوٹیاں اتنی بلندیوں…
Read Moreزاہد فخری ۔۔۔ عقیدت (ماہنامہ بیاض لاہور اکتوبر 2023)
ہزار شکر کہ شاعر بنا دیا تو نے اور اس پہ نعت بھی کہنا سکھا دیا تو نے سلیقہ تو نے دیا مجھ کو حمد لکھنے کا کہ شکر کرتے ہیں کیسے بتا دیا تو نے ترے کرم نے مجھے چھاؤں بانٹنی بخشی زمینِ فکر پہ برگد اگا دیا تو نے میں دشمنوں کو بھی دل سے دعائیں دیتا ہوں لہو میں خیر کا چشمہ بہا دیا تو نے مٹا دیئے مری دوری کے جتنے صدمے تھے مرے تو دل میں مدینہ بسا دیا تو نے درود پڑھ کے میں…
Read Moreنوشاد منصف
ثبوت خود یہ فراہم کرے گا وقت کبھی یقین کس نے کیا، کس نے بد گمانی کی
Read Moreسلطان سکون ۔۔۔ ٹھنڈی ہے یا گرم ہوا ہے
ٹھنڈی ہے یا گرم ہوا ہے اس کو کیا اس کی پروا ہے کتنی گہری خاموشی ہے کتنا گہرا سناٹا ہے ہے درپیش مسافت کیسی ایک زمانہ ہانپ رہا ہے جنگل تو طے کر آئے ہیں آگے اک صحرا پڑتا ہے اگلے پل کیا جانے کیا ہو اب تو یہی دھڑکا رہتا ہے کوئی نہیں ہے ساتھ تمہارے اپنے ہی قدموں کی صدا ہے کون ہے وہ خوش قسمت دیکھیں جس کو صبر کا اجر ملا ہے یار سکون شکایت کیسی تیرا اپنا کیا دھرا ہے
Read More