ک – صفحہ 12

رند

کیا مِلا عرضِ مدعا کر کے بات بھی کھوئی التجا کر کے

کھیلنے دو انھیں عشق کی بازی، کھیلیں گے تو سیکھیں گے قیس کی یا فرہاد کی خاطر کھولیں کیا اسکول میاں

دل میں کسی کے راہ کیے جا رہا ہوں مَیں کتنا حسیں گناہ کیے جا رہا ہوں مَیں

کبھی تو موج میں آئے گا تیرا دیوانہ اشارہ چاہیے ہے جنبشِ سلاسل کا

کھوجتا کیا ہے اندھیروں میں تفاہم کے دیے آ چراغوں میں لہو ڈال، اجالے ہوں گے

کمروں میں چھپنے کے دن ہیں اور نہ برہنہ راتیں ہیں اب آپس میں کرنے والی اور بہت سی باتیں ہیں

کسے ملے گی لرزتی لووں کی راہبری کہاں رہی ہیں وہ بام و چراغ کی رسمیں

کوئی کرتب ہے گویا زندگی بھی کہ رسّی پر چلیں، اور ڈگمگائیں

کبھی ادھر سے کبھی ادھر سے عجیب ڈر ہے ڈرا ہوا ہوں میں اپنے ڈر سے عجیب ڈر ہے

کیا عجب ہو یہی پیرایۂ سادہ مختارؔ .. !! تیرے لکھے ہوئے الفاظ کو زندہ کر دے