کاشف مجید

ہمارا اور تمہارا ملال ایک سا ہے اِدھر چراغ بجھا اور اُدھر ستارا گیا

شناور اسحاق

ہونٹ یاقوت ہوتے جاتے ہیں رنگ رخسار سے زیادہ ہے

ہائے وہ وقت ، پتا پوچھ رہا ہو قاصد اور یاں رشک سے لب پر نہ ترا نام آئے

ہم اپنے گھر سے برنگِ ہوا نکلتے ہیں کسی کے حق میں، کسی کے خلاف چلتے ہیں

ہم اہلِ محبت کی تو دنیا ہی جدا ہے شام اور سحر اور فلک اور زمیں اور

ہم سفر دو قدم کی بات نہیں عشق رستہ ہے سب زمانوں کا

ہم ایسے سادہ دلوں کی نیاز مندی سے بتوں نے کی ہیں جہاں میں خدائیاں کیا کیا

ہر آن نئے سوال تائب اعصاب جواب دے گئے ہیں

ہم کہ اک عمر چُراتے رہے آنکھیں جن سے اُن سوالات نے اب حشر مچایا ہوا ہے

ہم اہلِ ہجر کو صحرا ہی ایک رستہ تھا اب اس طرف سے بھی خلقِ خدا گزرتی ہے