ب – صفحہ 4

لالہ مادھو رام جوہر

بھانپ ہی لیں گے اشارہ سر محفل جو کیا تاڑنے والے قیامت کی نظر رکھتے ہیں

بے خبری میں ہونٹ دیے کی لو کو چومنے والے تھے وہ تو اچانک پھوٹ پڑی تھی خوشبو رات کی رانی سے

بھوک پیچھے پڑ گئی ہے ہاتھ دھو کر اور بھی پیٹ سے باندھو مرے دو چار پتھر اور بھی

بت بنے ہیں یوں تو ہم باتیں بناتے ہیں ہزار بات لیکن وصل کی اصلاً بتا سکتے نہیں

برسوں کا بے نام دریچہ، صدیوں کی انجان ہَوا میں مُردہ ماضی کا حوالہ، اور تیری پہچان ہَوا

ﺑﺠﺎ ﮐﮩﮯ ﺟﺴﮯ ﻋﺎﻟﻢ ﺍﺳﮯ ﺑﺠﺎ ﺳﻤﺠﮭﻮ ﺯﺑﺎﻥِ ﺧﻠﻖ ﮐﻮ ﻧﻘﺎﺭۂ ﺧﺪﺍ ﺳﻤﺠﮭﻮ

بیٹھے بٹھائے دل کو یہ کیا ہو گیا ہے آج کہتا ہے بار بار، ہوا سامنے کی ہے

برسا ہے ابر پھر بھی کہیں تازگی نہیں جل تھل کے باوجود تپش ہے، نمی نہیں

بیدل مجھ میں یہ جو ایک کمی سی ہے وہ چاہے تو پوری بھی ہو سکتی ہے

باغ تک پہنچی بیابانوں کی خاک تیرا دیوانہ کہاں ہے آج کل