ب – صفحہ 9

شباب دہلوی ( وید پرکاش گپتا)

بچتے، کتراتے کُل زمانے سے آ بھی جائو کسی بہانے سے

باغباں تیری عنایت کے سبب ہے اب تک یہ جو برگد نے ہمیں چھاؤں عطا کی ہوی ہے

بیٹھے بیٹھے میں بہت دور نکل جاتا ہوں در و دیوار کو دن بھر نہیں دیکھا جاتا

بس اس سے بڑھ کے علم کا دعوی نہیں مجھے میں جانتا ہوں یہ کہ میں کچھ جانتا نہیں

بدن میں سرسراتا ہے کوئی لمس کوئی آواز مجھ میں گونجتی ہے

بس رفع اب خیالِ مے و جام ہو گیا ساقی! بہ یک نگاہ مرا کام ہو گیا

برگِ گُل سے تیری خُوشبُو لے کے آئے گی صبا تتلیوں کے پَر ترا بندِ قبا ہو جائیں گے

بھلے وہ ہونٹ مرے نام پر لرزنے لگیں مگر وہ آنکھیں مجھے دیکھ کر اداس نہ ہوں

بن چاک سینہ بیچ محبت کی جا نہیں جس گھر کا در کھلا نہیں اس میں ہوا نہیں

بھڑک اُٹھا تھا میں اپنے وجود میں اِک دن دیے کی لَو پہ لبوں کے نشان چھوڑتے وقت