د – صفحہ 12

ظہور نظر

درد ہماری محرومی کا، تم تَب جانو گے جب کھانے آئے گی چُپ کی سائیں سائیں تمھیں

دل کے زخم کا رنگ تو شاید آنکھوں میں بھر آئے روح کے زخموں کی گہرائی کیسے دکھائیں تمھیں

دیپک راگ ہے چاہت اپنی، کاہے سنائیں تمھیں ہم تو سلگتے ہی رہتے ہیں، کیوں سُلگائیں تمھیں

دل تک اُتر گئی ترے ماتھے کی ہر شکن کچھ اس کو ہے علاقہ ترے چشم و لب کے ساتھ

دیکھتے ہیں اور چھو سکتے نہیں تم وہاں اور ہم یہاں آباد ہیں

دل میں ہجومِ یاس سے، اے وائے بے کسی گنجائشِ تصورِ دیدار بھی نہیں

دریا ہے کہ آئینے بہے جاتے ہیں، دیکھو یہ کون سی لہروں پہ خرام اُس نے کیا ہے

دمک رہا ہے جو نَس نَس کی تشنگی سے بدن اِس آگ کو نہ ترا پیرہن چھپائے گا

دل کسی منزل کو پا لینے کی خواہش کیا کرے کھیت ہی جب کم زراعت ہوں تو بارش کیا کرے

دیکھنا یہ ہے کہ دیوانے کا دوسرا پائوں کہاں پڑتا ہے