ر – صفحہ 5

شمیم فاروقی

رات کا کرب سمیٹے ہوئے سو جاتا ہوں شور چڑیوں کا مجھے آ کے جگا دیتا ہے

راستے روشن ہیں، آثارِ سفر معدوم ہیں بستیاں موجود ہیں، دیوار و در ملتے نہیں

راستہ ہے کہ کٹتا جاتا ہے فاصلہ ہے کہ کم نہیں ہوتا

رات کو نیند ہے نہ دن کو چین ایسے جینے سے اے خدا گزرا

رات بھر اِک چاپ سی پِھرتی رہی چاروں طرف جان لیوا خوف تھا لیکن ہُوا کچھ بھی نہیں

راستی پر ہم سے کس دن آئیاں یار کی زلفیں جو ہیں بل کھائیاں

رہنے دو تسلی تم اپنی، دکھ جھیل چکے، دل ٹوٹ گیا اب ہاتھ مَلے سے ہوتا ہے کیا جب ہاتھ سے ناوک چھوٹ گیا

رات اور طرح کی ہے چراغ اور طرح کا یعنی ہے مری نیند کا باغ اور طرح کا

راہ میں صورتِ نقشِ کفِ پا رہتا ہوں ہر گھڑی بننے بگڑنے کو پڑا رہتا ہوں

رات خالی پڑا رہا بستر جانے ٹوٹا تھا آسمان کہ دل