ر – صفحہ 4

خالد احمد

راستے بھر کیا یونہی ہم کو پکارے جائیں گے ساتھ دریا کے کہاں تک یہ کنارے جائیں گے

رنگِ رَم و رفتارِ زمانہ نہیں بھولے دیکھا نہ قدم بھر کے تری چال سے آگے

روز کے روز اک کُنج بسائیں کاش یہ دُکھ تنکے بن جائیں

رات تاریک، راہ نا ہموار شمعِ غم کو ہوا نہ دے جانا

راہ و رسمِ ابتدائی دیکھ لی انتہائے بے وفائی دیکھ لی

رہبر جو ہمیں ٹھوکریں کھانے نہیں دیتا ڈرتا ہے کہیں راستہ ہموار نہ ہو جائے

رکا رکا سا تبسم، جھکی جھکی سی نظر تمہیں سلیقۂ بے گانگی کہاں ہے ابھی

روح جب میری حریفِ غمِ ہستی نہ رہی تب بدن میرا کسی موجِ فنا سے مہکا

رہِ محبت میں خار سے بھی نبھانے والا نبھا رہا ہے

راکھ پڑی تو دب گیا، راکھ ہٹی بھڑک اُٹھا شعلہ کی روشنی ہی کیا، شعلہ کا اعتبار کیا