ذوالفقار نقوی

کھوجتا کیا ہے اندھیروں میں تفاہم کے دیے آ چراغوں میں لہو ڈال، اجالے ہوں گے

شہزاد احمد

کمروں میں چھپنے کے دن ہیں اور نہ برہنہ راتیں ہیں اب آپس میں کرنے والی اور بہت سی باتیں ہیں

کسے ملے گی لرزتی لووں کی راہبری کہاں رہی ہیں وہ بام و چراغ کی رسمیں

کوئی کرتب ہے گویا زندگی بھی کہ رسّی پر چلیں، اور ڈگمگائیں

کبھی ادھر سے کبھی ادھر سے عجیب ڈر ہے ڈرا ہوا ہوں میں اپنے ڈر سے عجیب ڈر ہے

کیا عجب ہو یہی پیرایۂ سادہ مختارؔ .. !! تیرے لکھے ہوئے الفاظ کو زندہ کر دے

کس کی مانوں کہ سب یقیں والے اپنے اپنے گماں سے کہتے ہیں

کس لیے میرے کاندھوں پہ رکھّے گئے ہیں زمان و مکاں کیا مری روح پر میری تقصیر کا بوجھ کافی نہ تھا

کہانی کو حقیقت کہتے آئے ہنسی آئی ہے جھوٹے راویوں پر

کبھی کبھی میں ستاروں میں جا نکلتا ہوں خدا کو اپنی نئی شاعری سناتا ہوا