ک – صفحہ 18

خالد احمد

کون گنتا جوان لاشوں کو کون رکھتا دِلاوروں کا شمار

کس لیے ارد گرد کھینچ لیے دائرہ دائرہ دَر و دیوار

کوئی اپنے سوا نہیں موجود اور ہے تو ہُوا کرے کوئی

کچھ تو کم ہو یہ شورشِ دریا ڈوب جائے خدا کرے کوئی

کچھ ہیں بھی اگر ہم تو گرفتار ہیں اپنے زنجیر نظر آتی ہے آزاد ہماری

کس کو معلوم ہے یہ بے خبری کس خبر سے فرار ہے اپنا

کانٹوں سے بھرے بن میں رستے کی بنا ڈالی دے دے کے لہو، طرحِ نقشِ کفِ پا ڈالی

کیوں لوگ ہوا باندھتے ہیں ہمتِ دل کی ہم نے تو اسے گر کے سنبھلتے نہیں دیکھا

کنارِ نہر، بنفشے کی جھاڑیوں کے قریب وہ سوگوار کھڑی تھی اک اجنبی کے لیے

کیسے تصویر کریں تیرے خد و خال کو ہم تجھ کو سوچا ہے زیادہ، تجھے دیکھا کم ہے