ہ – صفحہ 12

نجیب احمد

ہزار موڑ ہیں اس راہ میں، کہیں نہ کہیں وہ مسکرا کے مرا ہاتھ چھوڑ جائے گا

ہم نے ہجرت کی تو ہے، دل سے مگر مانی نہیں گائوں کی خوشبو ہمارے جسم سے جانی نہیں

ہم گلشنِ جہاں میں جوں آتشیں انار اک دم کی زندگی کا تماشا دکھا گئے

ہمارے دور کے حالات جانچنے والے قدم قدم پہ لکھا اضطراب دیکھیں گے

ہر مُردہ بدستِ زندگاں ہے مَیں زندہ بدستِ مُردگاں ہوں

ہر تہی خُلق عہد میں احمدؔ غم زدوں کے لیے مسیحا ہوں

ہوا کا رُخ تو اُسی بام و در کی جانب ہے پہنچ رہی ہے وہاں تک مری صدا کہ نہیں

ہر سخن تھا ہم اہلِ غم کے لیے دل شکن، دل خراش، دل آزار

ہماری سرگزشت میں ہزار واقعات ہیں مگر جو دیکھتے رہے وہ خواب ایک بھی نہیں

ہم کہ اس ہجر کے صحرا میں پڑے ہیں کب سے خیمۂ خوابِ رفاقت بھی نہ ہو تو کیا ہو