ہ – صفحہ 13

کاشف حسین غائر

ہر شام دلاتی ہے اُسے یاد ہماری اتنی تو ہَوا کرتی ہے امداد ہماری

ہمارا عشق، ظفر! رہ گیا دھرے کا دھرا کرایہ دار اچانک مکان چھوڑ گئے

ہر شام ہوئی صبح کو اک خوابِ فراموش دنیا یہی دنیا ہے تو کیا یاد رہے گی

ہر بار، وہ جب آتا ہے، کھل جاتی ہے کیوں آنکھ یہ خواب کبھی پوری خبر کیوں نہیں دیتے

ہم سے چرائیں اور سے انکھیاں مِلا گیا ظالم کسی کو مار، کسی کو جلا گیا

ہنستے ہنستے رو دیا کرتے تھے سب بے اختیار اِک نئی ترکیب کا درد اپنے افسانے میں تھا

ہَوا کے جسم پر نیلی خراشیں فضا کی برہمی بتلا رہی ہیں

ہم ایسے بھی گئے گزرے نہیں ہیں ہمارے ساتھ یہ کیا ہو رہا ہے

ہم وہی اور وہی قید کی دیواریں ہیں حسبِ معمول نگہبان بدل جاتے ہیں